farfor

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

This mountada for any one on any age


    استغمايه الحب

    milano
    milano


    عدد المساهمات : 168
    تاريخ التسجيل : 24/02/2011
    العمر : 26
    الموقع : جزيره الرومانسيه والعشاق

    استغمايه الحب Empty استغمايه الحب

    مُساهمة  milano الجمعة مارس 18, 2011 10:40 pm

    أنا بحبها يا ماما ... أنا بحبها يا بابا ... واستحالة اعيش من غيرها
    انا بحبه يا ماما ... بحبه يا بابا ... لو متجوزتهوش هموت نفسي


    بقيت بشوف وبسمع عن كتيييييير من قصص الحب المأسوية اللي وللأسف وكالعادة انتهت بأي حاجة غير الجواز
    كنا زمان بنقول الجواز نهاية طبيعية للحب ... في زمننا ده بقى للحب نهايات كتير غير الجواز ومع تعدد الأسباب في ده الا ان النهاية واحدة
    الحب بقى وسيلة عند بعض الناس للوصول لغرض ما ... ومع انتهاء الغرض يزول السبب وهو " الخداع تحت مسمى الحب " وعن نفسي مش هقدر اسميه حب لان للحب معنى اسمى بكتييييييير من اللي في اذهاننا كلنا
    انا واحدة من الناس كل ما اظن ان وصلت للمعنى الحقيقي للحب بكتشف ان لسة قدامي حبة كمان ... ولما بعديهم بلاقي ان ده مكنش الحب اللي بجد ... الحب الحقيقي حاجة تانية خالص غير كل اللي الناس متصوراها والله اعلم اللي وصلتله ده هو الحب ولا مازال بيلعب معايا الحب استغماية


    زمان اوووووووووي واحدة صاحبتي كانت معايا في الفصل سالتني يا ندا بعد بكره الفلانتين ومش عارفة اجيب (للجو) بتاعي ايه ؟
    بصراحة مقدرتش افيدها لاني مجربتش ... بس كطفلة تصورت ان الحب انك تهدي حد بتحبه هدية ويسمعك بعدها كلمتين حلووين ... هو ده الحب


    كبرت شوية بعدها واتحبيت وحبيت واقدر اسميه حبي الأول ... وكنت بسمع عن الحب الأول أساطير وكنت مقتنعة ان اللي انا فيه ده هو قمة الحب واني مش هتحب ولا هحب بعد كدة ... لحد ما اكتشفت ان الحب الأول ده ما هو الا وهم كبييييييييييييييييييييير في حياة اي بني ادم
    ومن باب العلم بالشيئ ... أنا مخترتش غلط ولا مكنتش موفقة في اختياري بالعكس تماما


    دخلت الكلية ... بقيت ببص على اللي حواليا ... لقيت ان اي اتنين مخطوبين بيحبوا بعض جدا ولو مش واخدين بعض عن حب
    تخيلت ان فترة الخطوبة دي حاجة كدة عاملة زي حلم حلو بيتمنى اي حد انه يطول أوووووي عشان ميفوقش منه ابدا .. و اتعرفت بعدها على شاب في مناسبة عائلية وحبني جدا وحبيته جدا وأول ما تأكدت من كدة خيرته بين حاجتين يا تخطبني يا تسيبني لاني مش هقدر أكمل وانا مش خطيبتك قدام الناس كلها ومكنش قدامه غير انه يخطبني ... وقد كان فعلا اتخطبنا وعشت ايام الخطوبة وكانت الحياة لونها بمبي لحد ما بدأنا نجهز لتفاصيل الفرح
    وكانت الصدمة ... اكتشفت ان الخطوبة والجواز بصفة عامة مش انتي وهو بس لأ ده انتي وهو وعيلته وعيلتك
    وبالتالي اتفركشت الجوازة لان في حاجات كتيرة المفروض كانت تتحط في الاعتبار واحنا مولنهاش اي اهتمام
    من باب العلم بالشيئ تاني ... هنا بقى أقدر أقول اني أخترت غلط


    بعدها عشت فترة متمناش تتكرر تاني لحد ما قابلت أجمل صدفة في حياتي ... جوزي
    كانت صدفة ومكنتش بآمن بأن فيه حاجة اسمها حب من أول نظرة لحد ما لمست حبه ليا
    وبسرعة جدا... حبني ... اتخطبنا ... اتجوزنا
    ساعتها قلت لكل الناس لأ ده كل اللي حصل في حياتي كوم وهو كوم تاني خالص
    "ده جوزي" ... "ربنا مبارك حبنا ده" ..." ده الحاجة الوحيدة الصح اللي في حياتي" ... "هو ده الحب اللي بجد واللي بدور عليه"
    كل ده على اعتبار ان ده نهاية المطاف ومفيش حب بعد كدة


    مرت أيام كتيييييييييييرة وأول ما ربنا رزقني بطفل حسيت احساس مينفعش يتوصف خالص
    ده حبي الحقيقي ... مش مجرد ابن ... اول مرة احس ان في بني ادم جزء مني
    حبيته اكتر من اي حاجة ومن أي حد في دنيتي .... قلت لا ده حب الأم حاجة تانية خاااااااااااااااااالص ده لو بعد عني يوم هيجرالي حاجة
    لحد ما ربنا أراد فعلا انه يبعده عني .... اتصدمت وزعلت وقفلت على نفسي أوي
    لكن في الاخر برضة مجراليش حاجة ... لسة عايشة
    وبدور في دوامة ... ولا انا بلاقيه ولا اعرفه ... ولا هو لقاني وشكله كدة مش عايز يعرفني بنفسه ابدا


    لسة بلعب مع الحب أســـتـغـمـــــايــة ... أسـتـغـمــــايـة الـحــــب
    دي مشكلتي باختصار ... يا ترى حد عنده حل ....؟‍‍‍!!

      الوقت/التاريخ الآن هو الأحد نوفمبر 28, 2021 10:29 am