بسمــــ الله الرحمن الرحيم
شهريار بيحكى لشهرزاد قلبه وروحه احلى قصه
قصه خياليه طحن اوى
مع كل صباح لازم يحكى قصته ( صباح الخير يا شهرزاد )
كان يا مكان ما يحلى الكلام الا بذكر النبى عليه الصلاه والسلام
ابتدا شهريار يسرح مع خياله
مصر 2010
أشرف شاب مصري مكافح بياكلها بعرق جبينه ..وكان دايما يحلم تغيير الواقع اللي هو فيه ..هو واصحابه..وكان اكبر حلم لاشرف تغيير الزمن..وفعلا استعان اشرف باصحابه العباقرة من هندسة السيارات لان طبعا التعليم المصري طفرة..انشاء اول الة زمن..والمصري ميعرفش المستحيل زي تايد للغسيل..وده اتعلمناه من رافت الهجان والطريق لايلات اللي انا مش فاكر من حاجة الا مادلين طبر..
وفعلا وبعد خمس سنين وفي عز الحشيش والكيف اخترع العباقرة المصريين الة الزمن..وانطلقت صيحة اشرف السعيدةلاختراع الالة وقال :جربوها عليا انا نفسي اروح لعالم تاني رافضط يا زماني يا مكاني انا عايز اروح لعالم تاني..
وفعلا ضرب علي الزرار محمود صاحب اشرف العبقري واكبر ضارب للبانجو في مصر كلها ..وانطلق اشرف في الة الزمن صائحا ااااااااااه اوووووووووه
لم يدري اشرف اين هو الا اما شاف المزز ..مجموعة جواري تهز يمين شمال واشرف لسه بسيجارة الحشيش في ايده قائلا: قشطة..صباحو"
فزع كل من في المكان لهيئة اشرف الغريبة لتشيرته اللي بترتر وجزمته الاديداس..وفجاة دخلت امراة جميلة جدا المكان
شجرة الدر: من انت؟
اشرف: انت الي مين يا جميل مش نتعرف؟
شجرة الدر: حرس!!
وانطلق الحرس من كل مكان ليمسكوا اشرف
اشرف: الله الله ايه بس يا رجالة اللي حصل ده انتي شديدة عليا قوي طيب انا فين يا جدعان انا معرفش واللهي
الحرس: انت في قصر شجرة الدر
اشرف: ااه انا سمعت الاسم ده قبل كده
الحرس ايه حد ميعرفش شجرة الدر؟
اشرف: ايه يا عم تقولش حسن شحاتة يعني؟
الحرس: ومن هو شحاتة هذا؟
وفجأة تقمص اشرف دور الاعلان المصري وقال : هناك في بلاد بعيد ..تشجيعهم يهز الكون ..حماس..اصرار ..ايجيبت..شحاتة
وردد الحرس: يا تري مين وراهم؟
اشرف : المهم يا جماعة شحاتة ده قائد كبير عظيم..بس مش دي شجرة الدر؟
الحرس: نعم
اشرف: مش القصر ده فيه طاووس بيعمل بررررررو برررررررو
الحرس: نعم
اشرف انهار ازرق وهنا بسين؟
الحرس بسين؟
اشرف ياعم طشت مية كبير كده
الحرس :نعم
اشرف: وفي واحد اسمه عز الدين هبيك؟
وخل عز الدين قائلا: هبيك ايه يا خفيف انت بتلعب طاولة؟
اشرف:قشطة يا ريس ده انت ليك في اللون اهو انت الي هتفهمني بس عرفت الطاولة منين؟
عز الدين: دي لعبة فرعونية قديمة
اشرف: برضوا؟ هو انتوا كمان حافظين وخلاص..اي حاجة فرعونية حتي الكريم جيل قالوا عليه فرعوني..
عز الدين اللي جابك؟
اشرف: يا عم انا جيت غلط الواد داس ع الزرار بتاع الة الزمن وجابني هنا ولسه مخلصتش سيجارة الحشيش بتاعتي حتي
عز الدين: حشيش؟ انا سمعت الكلمة دي قبل كده ..ااه في راجل اسمه سلامة بيقولوا انه محشش .. قديم
اشرف: لا يا عم ده انت مالكش فيها بقي..ده بيدور علي قطز اللي هو متجوز شيرين في المسلسل اللي الظاهر بيبرس هيقتله
عز الدين: الظاهر ولا اكيد؟
اشرف : يا عم اللطيف هو اسمه كده الظاهر بيبرس مش الظاهر انه هيقتله
عز الدين: وهيقتله ليه
اشرف: مش فاكر اصلي مشوفتش الحلقة الاخيرة مع انها كانت جامدة بس تقريبا خلص موبايله شحن من كتر الجيمز فاضطر لكده انا قريت كده في قطعة العربي..
عز الدين: قطعة؟
اشرف: ااه دي قصة كده واسلاماه بتاعة علي احمد باكثير
عز الدين ضاحكا: باكثير ولا بقليل؟
وظل عز الدين يضحك ومعه القصر مجاملة وكان اشرف مستاء علي الاخر وردد بينه وبين نفسه يخربيت الهزار في عصركم ده انتوا خنقة طحن
وفجاة صاح اشرف: المهم يا سيدي تخرج من المكان ده مع الست دي لان في فرقة قباقيب جاية تموتها
عز الدين: قباقيب؟
اشرف: اه يا عم الست اللي بتعمل عندكوا ام علي دي هتقتلها بالقباقيب وبلاش اسيح بقي انت فاهمني
عز الدين: فاهم فاهم متسيحش
اشرف: يا عم انتوا عصر خنيق انا ماشي شد يا محمود الحبل شد وفجأة انطلق اشرف باقصي سرعة للامام ليجد نفسه في عصر جديد تماما في عام 3076 وكانت كل الشوارع مغطاة بالقبل الفرنسية الحارة والميني ميكرو ميكرو جيب في كل مكان وبعض الجيبات فيمتو جيب ..وكانت الاعلانات المعلقة فوق الهوا عن البوم جديد اسمه "قارئة الجينات" قال اشرف لسواق التاكسي ااه انا اخر حاجة سمعت عنها قريبة من الاسم ده كان اسمها قارئة الفنجان
التفت سواق التاكسي لاشرف وكان كل جسمه في حلقان مراخيره ورجله وايده وكله..وقاله ايه قارئة الفنجان دي سوفاج
وكان عداد التاكسي بالليزر لحساب الجزء من القرش..
ونزل اشرف من التاكسي ليجد صورة كبيرة مكتوب عليها "خليل افلاطون رقم خمسين في الحصول علي نوبل" استغرب اشرف جدا وقال لنفسه ايه ده هما بقوا بيوزعوا نوبل زي الميوزك اوورد ولا ايه؟
واوقف احد المارة وساله: كابتن مش ده ابو تريكة؟
قاله: طبعا خد نوبل من زمان جدا ده اشهر لاعب في العالم
قال اشرف: اااه يعني زي ما انا خمنت نوبل بقت سلطانية جديدة زي اشهر لاعب في العالم
وكانت اغرب يافطة شافها اشرف هي يا فطة" قليوب سيتي" وكان الكوبري السحري مغطي بالزجاج والانوار السفلية الملونة وكان الكوبري برعاية "احمد محمد حسين سعيد علاء جمال علاء جمال مبارك"
راعي الامن والامان وبعض الفرق والاحزاب المضادة كان ليها اعلانات برضه زي حركة"يا باي بجد" المستحدثة من حركة كفاية
وكانت حرية الصحافة بلغت منتهاها حيث كانت عناوين جريدة تسمي الدستور "ريس مين والناس نايمين ؟ليك شوق في حاجة؟"
وفي الرياضة "مدرب بيشيل اتة قطعوه ميت حتة ..يا اتحاد كورة معفن"
كان اشرف مذهول من عناوين الجرائد فعلا وعندما فتح الجريدة القومية وجدها ايضا تطورت تطور فظيع في الاتجاه الاخر فكان عنوان الاهرام "الوضع النهاردة اقتصاديا واجتماعيا واللي انت عايزه قشطة كيك بجد مافيش اي مشاكل ولو في مشاكل ابتسم للدنيا "
ووصل عدد السكان لاربعة ملايين فقط واما سال اشرف ايه اللي حصل حرب دي ولا ايه؟ قالوله لا دي زيادة اسعار الناس راحت ناميبيا العظمي لان اقتصادها رهيب..
وعندما فتح التليفزيون وجد امامه قنوات غريبة قناة "مقولكش" وعنوان الحلقة" هتكلم النهاردة عن قلة الادب ..يا سافل"
وقناة "غمضوا عنيكم يا كفرة" الاسلامية وقناة" المفروض انها اغاني" لكل اغاني الجيل القديم..وقناة "اغتشي عيب "وهي اول قناة اباحية عربية
وعندما شارك الاخوان في الحكم جعلوا بعض المحلات بغطاء اسلامي بحت مثل "كباريه الهدي والنور" و "بار التقوي"
ووجد اشرف مسلسل ليالي الحلمية الجزء الرابع والخمسون ونفس الاحداث ..وحفيدة احفاد نادية الجندي بتمثل مسلسل "مين اطلق الرصاص يا بايخ قول بقي"
وتغير اسم برنامج رياضي ليصبح" الكورة مع عيلة شوبير"
واصبح حال السينما في خبر كان وكانت افلام الصيف باسامي مقززة مثل فيلم "الفنطاس" "القرد في عين امه" "الجحش" "اخزقلك عنيك"
وكان اشرف قرفان جدا من هذا العصر وقال لا يا عم انا عايز عصر الجواري لانه كان غاوي مزز فرجه تاني لورا وطلع ع المقطم ولقي الشباب بالجمال مفيمين الهودج فاميه كامل وعايشين..ثم عاد لعصر كليوباترا ووجد الشباب برضه مفيمين المسلات وعرف ان حتي التفييم من ايام الفراعنة..
وعندما شاهد برنامج"صباح الخير يا اخناتون" عشق اشرف المذيعة شبيهة صفاء قطب اللي كان بيحبها اشرف مش عارفين ليه ولم يرجع لهذا العصر الي الان
وبعد سنين
ولا مش دي صورة الواد اشرف علي المسلة؟
اه ده هو صورته فى قرش حشيش والناس بتنحني ليه ومكتوب"عاش موحد الحشاشين"
الكيف غلاب حتى فتحت مرجانه الباب
ومعااااااه تلاته عزاب
يا ترى مين اشرف ؟؟؟؟